علي جمعة: وارد ربنا يلغي النار ويدخل كل الناس الجنة
قال الدكتور علي جمعة خلال حلقة برنامج "نور الدين"، المذاع على قنوات الشركة المتحدة، اليوم الثلاثاء: "وارد إن ربنا يلغي النار في الآخرة ويدخل كل الناس الجنة، وفي علماء كتير قالوا كده، وممكن النار دي تكون معمولة الناس تكون خايفة من عقاب ربنا، فلا يؤذى أحدا.. لازم العلاقة بيني وبين ربنا تكون مبنية على الحب والرحمة".
خطاب الرحمة والحب
وتحدث “جمعة” عن طبيعة الخطاب الذى ندعوه به الناس وأضاف أنه لا بد أن يكون فيه دعوة إلى الرحمة والحب وليس إلى الكراهية.
وذكر: "تلاقي اللى بيتكلم عن عذاب القبر والثعبان الأقرع، في كتب كثيرة بتقول في أهوال يوم القيامة، لكن محدش قال في شفاعة وفي 70 ألف شفيع، وكل واحد يشفع في 70 ألف شفيع يعنى ٤ مليار وكل المسلمين 2 مليار بس".
الدعاء على النفس بالموت
وأجاب "جمعة" على سؤال طفل عن حكم من يدعو على نفسه بالموت؟
فقال: "سيدنا النبي صلى الله عليه وسلم، نهى عن الدعاء على النفس، وده لأن فيه نوع من قلة الأدب مع الله".
وتابع: "ممكن لو في فتن شديدة ممكن الإنسان يدعى ربه بأدب ويقول (اللهم احيني ما دامت الحياة خير لي وأمتني لو كان الموت راحة لي)، وده حصل مع الإمام البخاري لما أحد الأمراء أمره إنه يعطي درس لابنه في البيت فرفض فدعا بهذا الدعاء"
